मनोज जरांगे पाटील यांनी पुन्हा मराठा आरक्षणासाठी लढा उभारला आहे. दुसरीकडे धनगर समाजाच्या काही नेत्यांनी धनगर समाजाला एस.टी प्रवर्गातून आरक्षण मिळावे म्हणून उपोषण सुरू केले आहे. मनोज जरांगे पाटील यांनी लातूरमध्ये जाऊन या उपोषण कर्त्यांची भेट घेतली आहे. तसेच धनगर आरक्षणाला पाठिंबा जाहीर केला आहे. लातूरमध्ये चंद्रकांत हजारे आणि अनिल गोयकर यांनी उपोषण सुरू केले आहे. गेल्या १३ दिवसांपासून हे उपोषण सुरू आहे. धनगर समाजाला एस.टी प्रवर्गातून आरक्षण मिळावे अशी त्यांची प्रमुख मागणी आहे.