अंतरवाली सराटीमध्ये आज सर्व मतदारसंघातील इच्छुकांची बैठक झाली. या बैठकीमध्ये प्रत्येक मतदारसंघनिहाय एकत्रित चर्चा करून उमेदवार निश्चित करण्यात आलाय. बीड, जालना, छत्रपती संभाजीनगर, फुलंब्री या मतदारसंघात विधानसभा निवडणूक लढणार असल्याची माहिती मनोज जरांगे पाटील यांनी दिली. केज मतदारसंघाबाबत स्थानिकांशी चर्चा केल्यानंतर निर्णय घेणार आहे. त्याशिवाय गेवराई आणि आष्टीबाबत चर्चेनंतर निर्णय घेणार असल्याचं मनोज जरांगे पाटील यांनी सांगितलं. ज्या मतदारसंघांमध्ये मराठा, मुस्लिम आणि दलित असे समीकरण जुळेल त्या मतदारसंघांमध्ये उमेदवार निश्चित करण्यात आला. ज्या मतदारसंघांमध्ये समीकरण जुळणार नाहीत, उमेदवार असणार नाहीत, त्या ठिकाणी लोकसभा निवडणुकीमध्ये जी भूमिका होती तीच भूमिका राहील असेही सांगितलं जात आहे. यावेळी बोलताना जरांगे यांनी 'बीड जिल्ह्यातू एक लढणार. बीड विधानसभा मतदारसंघ लढवणार. गेवराई आणि आष्टीबाबतनंतर चर्चा करून बघू जिल्ह्यात काही पाडायचे आहेत. जिथं त्रास दिला आहे, त्याला पाडून बदला घ्यायचा आहे.

Edited By Rakhi Rajput