मुंबई : विधानसभा निवडणुकीतील भूमिका मनोज जरांगे पाटील यांनी स्पष्ट केली आहे. निवडणुकीबाबत भूमिका स्पष्ट केल्यानंतर आज मनोज जरांगे पाटील यांनी बीड जिल्ह्यातून दौऱ्याला सुरुवात केली आहे. या दौऱ्यादरम्यान, निवडणुकीत मराठा समाजाने कोणाला मतदान कायला पाहिजे, याविषयी मनोज जरांगे यांनी मोठं वक्तव्य केलं आहे.

या विधानसभा निवडणुकीसाठी ज्या उमेदवारांनी अर्ज दाखल केले होते. त्या उमेदवारांनी अर्ज मागे घेतलेले नाही. तर यावेळी मनोज जरांगे पाटील यांनी पुन्हा एकदा मराठा बांधवांना आवाहन केलं आहे. विधानसभा निवडणुकीसाठी ज्या उमेदवारांनी अर्ज दाखल केले होते. त्या उमेदवारांनी अर्ज मागे घेतलेले नाही, त्यांना खडेबोल सुनावत त्यांनीच पचका करून ठेवला आहे. मी ज्यांनी अर्ज भरले त्यांना सांगितले होते. आता अपक्ष अर्ज भरून मते खायचे काम करू नये, त्यामुळे ज्यांना पाडायचे आहे. माझा पाठिंबा अपक्षाला आणि कुणालाच नाही, असे मनोज जरांगे पुढे म्हणाले.

'मला समाजाचे भविष्य बघायचं आहे. मूर्ख होऊन चालणार नाही. दीडशे जणांना उभे केले असते, मात्र त्यांच्यासाठी ६ कोटी समाजाचे वाटोळे करू शकत नाही. तो क्षणिक आनंद आहे. मला समाजाला आरक्षण देऊन आयुष्यभराचा आनंद द्यायचा आहे. मी मूर्खासारखे चाळे करू शकत नाही, मी मागे सरकलो म्हणून काय वाईट झाले. मी मराठा समाजाचं काम करतो, दीडशे जणांचे काम करत नाही. त्यांच्यासाठी कोटी मराठ्यांना अडचणीत आणणार नाहीत. ते जर पडले असते तर समाजाला हिणले गेले असते, टोमणे मिळाले असते. त्यामुळे माझी समाजाची मान खाली जाईल म्हणून मी माघार घेतली. समाजासाठी योग्य वेळी योग्य निर्णय घेतला आहे. या राजकारणासाठी आरक्षण जायला नको म्हणून मी ही भूमिका घेतली, असे मनोज जरांगे पुढे म्हणाले.