विधानसभेसाठी मराठा आंदोलक मनोज जरांगे पाटील यांची जय्यत तयारी सुरु आहे. मनोज जरांगेंनी विधानसभेत उतरण्याची घोषणा काही दिवस आधी केली होती. 7 ऑगस्टपासून मनोज जरांगे इच्छूक उमेदवारांचे अर्ज मागवणार आहेत. त्यानंतर 13 ऑगस्टपासून इच्छुकांच्या अर्जाची छाननी देखील करतील. या अर्जांची छाननी करण्यासाठी कोअर कमिटी स्थापन करण्यात येणार आहेत. तसेच मनोज जरांगे मुलाखत घेऊन उमेदवारांची निवड करतील. 13 ते 20 ऑगस्ट पर्यंत उमेदवार निवडीची प्रक्रिया पुर्ण केली जाणार आहे. ऑगस्टच्या शेवटच्या आठवड्यात जरांगे उमेदवारांची घोषणा करण्याची शक्यता आहे. मनोज जरांगेंनी विधान सभेच्या पार्श्वभूमिवर पूणे शहरातील मतदार संघांचा आढावा देखिल घेतला आहे. जरांगे विधानसभेसाठी उमेदवारांची घोषणा कधी करणार? हे पाहणं फार महत्त्वाचं ठरणार आहे.