अक्षय शिंदे, जालना | साम टीव्ही

छत्रपती संभाजीनगरमधील रुग्णालयातून डिस्चार्ज घेतल्यानंतर, आज मंगळवारी पुन्हा मनोज जरांगे पाटील यांची प्रकृती बिघडली आहे. कालच त्यांना रुग्णालयातून सोडण्यात आले होते. प्रकृतीच्या कारणास्तव त्यांचा मराठवाडा दौरा देखील रद्द करण्यात आला होता.

पश्चिम महाराष्ट्राचा दौरा आटोपल्यानंतर मनोज जरांगे पाटील यांची प्रकृती बिघडली होती. त्यामुळं त्यांना तातडीने छत्रपती संभाजीनगर येथील रुग्णालयात दाखल करण्यात आले होते. त्यांच्यावर काही दिवस उपचार केल्यानंतर रुग्णालयातून त्यांना सोडण्यात आले होते. पण आज मंगळवारीही त्यांची प्रकृती बिघडली. प्रचंड अशक्तपणा जाणवत होता. तसेच तापही आला होता. त्यामुळे त्यांच्यावर अंतरवाली सराटीत उपचार सुरू करण्यात आले आहेत. येथील सरपंचांच्या घरी त्यांना सलाईन लावण्यात आली आहे.