मनोज जरांगे पाटील यांनी शांतता रॅलीच्या दुसऱ्या टप्प्याची घोषणा केली आहे. मनोज जरांगे पाटील यांची जालना येथे पत्रकारपरिषद पार पडली, यादरम्यान जरांगे यांनी ही घोषणा केली आहे. माध्यमांशी बोलताना जरांगे यांनी सर्व समाजाला एकत्र येण्याचं आवाहन केलं आहे. यादरम्यान जरांगे यांनी प्रसाद लाड यांच्यावर बोचऱ्या भाषेत टीका केली आहे. प्रसाद लाड यांनी जरांगे यांना देवंद्र दोषी नावाचा रोग झाल्याचं वक्तव्य केलं होतं, यावर आता जरांगे यांनी बोचऱ्या भाषेत पलटवार केला आहे. एक आमदारकी दिली म्हणून थूका चाटतो का असं म्हणत जरांगे यांनी जोरदार पलटवार केला आहे. प्रसाद लाड यांच्याविषयी बोलताना जरांगे आक्रमक झालेले पाहायला मिळाले.