बीड: सगेसोयऱ्यांच्या अंमलबजावणीसाठी मनोज जरांगेंनी (Manoj Jarange) शांतता रॅली सुरु केली आहे. या रॅलीचा आजचा 6 वा दिवस आहे. हजारोंच्या संख्येने मराठा बांधव या रॅलीत सहभागी झाले आहेत. सरकारने मराठ्यांचा अंत बघू नका, आमचं आरक्षण आम्हाला द्या. असा थेट इशाराच या रॅलीतून जरांगेंनी सरकारला दिला आहे. आम्हाला आरक्षण ओबीसीतूनच हवं आहे, असं देखील जरांगे यावेळी म्हणाले. छगन भुजबळ हे दंगली घडवण्याचा प्रयत्न करत आहेत, छगन भुजबळांनीच ओबीसी- मराठा वाद निर्माण केला आहे.असा गंभीर आरोप देखील मनोज जरांगेंनी या रॅलीत केला आहे.