पुणे शिक्षक मतदारसंघाच्या निवडणुकीच्या पार्श्वभूमीवर राजकीय घडामोडींना वेग आला आहे. शिवसेनेकडून या मतदारसंघातून निवडणूक लढवण्यासाठी इच्छुक असलेले मंगेश चिवटे यांना उमेदवारी अर्ज भरण्याच्या सूचना देण्यात आल्याची माहिती सूत्रांकडून मिळत आहे. पुणे शिक्षक मतदारसंघाची जागा महायुतीच्या जागावाटपात भाजपच्या वाट्याला गेली आहे. त्यामुळे शिवसेनेकडून इच्छुक असलेल्या मंगेश चिवटे यांच्या भूमिकेकडे सर्वांचे लक्ष लागले आहे. दरम्यान, उपमुख्यमंत्री एकनाथ शिंदे यांनी मंगेश चिवटे यांना उमेदवारी अर्ज भरण्याच्या सूचना दिल्याची माहिती सूत्रांनी दिली आहे. त्यामुळे चिवटे हे कोणत्या भूमिकेतून निवडणूक रिंगणात उतरणार, याबाबत आता उत्सुकता निर्माण झाली आहे.