चहाच्या उधारीचे पैसै मागताच गिऱ्हाईकाचा राग अनावर झाला आणि त्याने चहा विक्रेत्याला मारहाण केल्याची घटना घडलीय. ग्राहकाने थेट चहाचा टोप मारून फेकल्याने चहा विक्रेत्याला गंभीर दुखापत झालीय. टोपमधील उकळता चहा अंगावर पडल्याने चहा विक्रेता जखमी झालाय. मुंबईतील काळाचौकी परिसातील धक्कादायक प्रकार घडलाय. मारहाणीचा व्हिडिओ समाज माध्यमांवर व्हायरल झालाय. उकाळता चहा अंगावर पडल्याने चहा विक्रेता भाजल्याची माहिती मिळत आहे. आपण व्हिडिओमध्ये पाहू शकतो की, दुकानात ग्राहकांची चहा घेण्यासाठी गर्दी चालू आहे. त्यावेळी एक चहा विक्रेता एका ग्राहककडे चहाच्या उधारीचे पैसे मागतो, त्याचा राग अनावर झाल्यानंतर ग्राहकाने चहाचा टोपच विक्रेत्याच्या चेहऱ्यावर फेकून मारलाय.