मालवणमधील छत्रपती शिवाजी महाराजांच्या पुतळ्याच्या दुर्घटनेनंतर एक मोठी माहिती समोर आली आहे. शिल्पकार जयदीप आपटे हे फरार असून पोलिसांकडून त्यांचा शोध सुरू आहे. 8 महिन्यांपूर्वी पंतप्रधान नरेंद्र मोदी यांच्या हस्ते मालवणमधील राजकोट किल्ल्यावर छत्रपती शिवाजी महाराजांच्या पंचधातूच्या पुतळ्याचे अनावरण करण्यात आले होते, परंतू अवघ्या 8 महिन्यातचं पुतळा कोसळल्याने राजकीय वर्तुळातून संतप्त प्रतिक्रिया येत आहेत.

दरम्यान शिल्पकार जयदीप आपटे यांना पुतळ्याची जबाबदारी देण्यात आली होती,परंतू या दुर्घटनेनंतर आता जयदीप फरार असल्याची माहिती समोर येत आहे. जयदीप आपटे हे ठाण्याचे असून त्यांच्यासोबत महाराजांचा पुतळा बनवणाऱ्या कंपनीवर देखील गुन्हा दाखल करण्यात आला आहे.