नाशिक : स्वातंत्र्यदिनाच्या पार्श्वभूमीवर राज्यातील सर्व महानगरपालिकेने 15 ऑगस्ट रोजी मटण, चिकन आणि मासे विक्री बंद ठेवण्याचे आदेश दिले होते. या आदेशाचे पालन करत आज मालेगाव शहरातील मटण विक्रेत्यांनी आपली दुकाने बंद ठेवली.

महानगरपालिकेच्या निर्णयाला काही विक्रेत्यांनी नाराजी व्यक्त केली होती, मात्र आज आदेशाची कडक अंमलबजावणी होताना दिसली. शहरातील बहुतांश विक्रेत्यांनी दुकाने बंद ठेवून प्रशासनाला पाठिंबा दर्शवला. स्वातंत्र्यदिनाच्या दिवशी शहरात स्वच्छता व सुव्यवस्था राखण्यासाठी तसेच शांतता प्रस्थापित राहावी यासाठी हा निर्णय घेण्यात आला असल्याचे महापालिकेचे म्हणणे आहे.