किमान निर्यात मूल्य रद्द झाल्यानंतर देखील कांदा व्यापारी आणि निर्यातदारांचे हाल होत आहे. सद्यस्थितीत लाखो टन कांदा अडकून पडलेला आहे. यात बंगलादेशाच्या बॉर्डरवर 100 ट्रक अडकले आहेत. तर मुंबईच्या पोर्टवर देखील 300 कंटेनर अडकून पडलेले असल्याची माहिती समोर आली आहे. सिस्टीम अपडेट नसल्यामुळे कस्टमचे कागदपत्र तयार करण्यास अडचणी निर्माण होत आहेत. त्यामुळे कांदा व्यापारी आणि निर्यातदारांचं प्रचंड नुकसान होत आहे. यात लाखो टन कांदा सडण्याची भिती व्यापाऱ्यांनी वर्तवली आहे.

सिस्टिम अपडेट झालेली नसल्याने गेल्या तीन दिवसांपासून कांदा ट्रकमध्येच पडून आहे. तीन दिवसांपूर्वी केंद्र सरकारने कांद्यावरील निर्यात मूल्य रद्द केलं आहे आणि निर्यात शुल्कावर 20 टक्के कपात केली होती. मात्र आता यानंतर कस्टमचे कागदपत्र तयार करण्यासाठी सिस्टिम अपडेट झालेली नसल्याने बॉर्डरवर लाखो टन कांदा अडकून पडलेला आहे. बंगलादेशाच्या बॉर्डरवर 100 ट्रक यामुळे अडकले आहेत. यात कांदा व्यापारी आणि निर्यातदारांचे मोठे नुसकान होणार आहे.