ठाण्यातील कोपरी पाचपाखाडी मतदारसंघात आज महायुतीचे उमेदवार एकनाथ शिंदे आणि महाविकास आघाडीचे उमेदवार केदार दिघे यांचे कार्यकर्ते आमनेसामने आले. कोपरी पाचपाखाडीमधील अष्टविनायक चौकात दोन्ही गटातील कार्यकर्त्यांनी जोरदार घोषणाबाजी यावेळी केली. प्रचार रॅलीदरम्यान हा प्रकार घडला.

आज विधानसभा निवडणुकीच्या प्रचाराचा शेवटचा दिवस आहे. त्याच अनुषंगाने प्रचार रॅलीची सांगता असतानाच ठाण्यातील कोपरी पाचपाखाडी मतदारसंघातील युतीचे उमेदवार एकनाथ शिंदे आणि महाविकास आघाडीचे उमेदवार केदार दिघे यांचे कार्यकर्ते अष्टविनायक चौक या ठिकाणी एकमेकांचा समोर आले. त्यानंतर त्यांनी एकमेकांच्या विरोधात जोरदार घोषणाबाजी करायला सुरुवात केली. त्यांनंतर प्रसंगावधान राखत दोन्ही गटाच्या कार्यकर्त्यांना रोखून धरल्याने पुढचा अनर्थ टळला.

Edited By Rakhi Rajput