भारत सरकारने पासपोर्ट सेवेत मोठा बदल करण्यात आला आहे. केंद्र सरकारनं पासपोर्ट सेवा कार्यक्रम V2.0 सुरू केलाय. या कार्यक्रमांतर्गत देशभरात ई-पासपोर्ट प्रणाली लागू करण्यात येणार आहे. या माध्यामातून भारतातील आणि परदेशातील भारतीय दूतावासांमध्ये नवीन पासपोर्ट आणि नूतनीकरणासाठी फक्त चिप-सक्षम ई-पासपोर्ट जारी केले जाणार असल्याची माहिती हाती आली आहे. ई-पासपोर्टसहित जुने पासपोर्टही नागरिकांना नेहमीप्रमाणे वापरता येणार आहेत. जुने पासपोर्ट कालबाह्य झाल्यास चिप असलेला पासपोर्ट जारी केला जाणार आहे.