रायगडच्या पालक मंत्री पदाच्या वादा बाबत आदित्य ठाकरे यांनी नाराजी व्यक्त केली आहे. यावर बोलताना आ. महेंद्र थोरवे यांनी आदित्य ठाकरे यांच्यावर घणाघाती टिका केली आहे. आदित्य ठाकरे यांना आगीत तेल ओतायच आहे अशी आपली पहिली प्रतिक्रिया देत, थोरवे यांनी रायगडच्या पालक मंत्री पदाचा तिढा आहे हे मान्य करीत तो लवकर सुटेल, 15 ऑगस्टनंतर भरतशेठ पालकमंत्री म्हणून पदभार स्विकातील असा आशावाद थोरवे यांनी व्यक्त केला आहे.

ठाकरे सरकारच्या काळात आदित्य ठाकरे तटकरे यांच्या घरी स्नेह भोजनासाठी गेले होते याची आठवण करून देत आदित्य ठाकरे यांचा तटकरे यांच्या घरचा पाहूणा असा उल्लेख थोरवे यांनी केला आहे. शिवसेनेची दुरावस्था ठाकरे परिवाराने मातोश्रीने केली असा आरोप करीत ठाकरे आणि तटकरे यांचे घनिष्ट, बिजनेसचे संबंध असल्याची आठवण थोरवे यांनी करून दिली. आदिती तटकरे पालकमंत्री झाल्याच त्यांना आवडत आहे. असा एक ना अनेक मुद्द्यांवर थोरवे यांनी आदित्य ठाकरे यांच्या विरूध्द घणाघात केला आहे.