ठाकरे गटाचे नेते अंबादास दानवे यांनी शिंदे गटाचे आमदार महेंद्र दळवी यांचा पैशांच्या गड्यांसोबतचा व्हिडिओ शेअर केल्याने राज्याच्या राजकारणात एकच खळबळ उडाली आहे. यावरच दळवी यांनी खुलासा केला आहे. आमदार महेंद्र दळवी यांनी ठाकरे गटाचे नेते अंबादास दानवे यांना थेट ओपन चॅलेंज दिलं आहे. दळवी म्हणाले की, जर हे व्हिडिओ खरे असतील तर मी विधिमंडळातच राजीनामा देईन. दानवेंनी पुढे येऊन बोलावं. हा व्हिडिओ मॉर्फ केला आहे. त्याच्याशी माझा अंशतःही संबंध नाही. ते पुढे म्हणाले, बोलावता धनी कोण आहे? तो समोर आला पाहिजे. अंबादास दानवे नेहमीच ब्लॅकमेलिंगची भाषा करतात. कोकणातील राजकारणाबद्दल त्यांना काहीच माहिती नाही. आदित्य ठाकरे यांना बोलू द्या त्यांचेही अनेक व्हिडिओ-फोटो आहेत, ते देखील समोर येतील.असा पलटवार महेंद्र दळवी यांनी दानवेंवर केला.