महायुतीचे दोन मंत्री नितेश राणे आणि गृहराज्यमंत्री योगेश कदम यांच्यात जुंपल्याची पाहायला मिळत आहे. नितेश राणे यांनी योगेश कदम यांच्या मतदारसंघात जाऊन नाव न घेता त्यांच्यावर टीका केली. ते म्हणाले, इथून पुढे तुमच्याकडे जर कोणी दगड फेकला तर त्या दगडाचा हिशोब चुकता होईल हा विश्वास मी तुम्हाला देतो. काही चिंता करू नका आज राज्यामध्ये हिंदुत्ववादी विचारांचे सरकार आहे.

गृहखाते आमच्या देवेंद्र फडणवीस साहेबांकडे आहे एफ आय आर मध्ये जरी नाव आले नसेल. वाचवणारे कोणी असेल तर आपल्या मुख्यमंत्री देवेंद्र फडणवीस साहेबांपेक्षा मोठे नाहीत. संबंधित खात्यातील काही लोकांनी लक्षात घ्यावं असे नाव न घेता मंत्री नितेश राणे यांनी गृहराज्यमंत्री योगेश कदम यांच्यावर टीकास्त्र सोडले. यावर गृहराज्यमंत्री योगेश कदम यांनी प्रत्युत्तर देत नितेश राणे यांच्यावर घनाघाती टीका केली. नितेश राणे माझे मित्र आहे. पण माझ्या मतदारसंघात येऊन त्यांनी मला शहाणपणा शिकवण्याची गरज नाही. मतदारसंघात शांतता कशी राखावी हे मला चांगलं समजतं असे चोख प्रत्युत्तर मंत्री योगेश कदम यांनी नितेश यांना यांना दिले.