विधिमंडळाचे उद्यापासून पावसाळी अधिवेशन सुरू होत असून विरोधकांनी चहापानच्या कार्यक्रमावर निमंत्रणावर जाहीर बहिष्कार टाकला आहे. उद्यापासून सुरू होणाऱ्या विधिमंडळाच्या पावसाळी अधिवेशनापूर्वीच महाराष्ट्राच्या राजकारणात ठिणगी पडली आहे. राज्यात दुष्काळाचे भीषण सावट, शेतकऱ्यांची फसवी कर्जमाफी, कायदा सुव्यवस्थेचा बोजवारा आणि नीट पेपरफुटीमुळे विद्यार्थ्यांचे झालेले नुकसान अशा अनेक ज्वलंत प्रश्नांकडे डोळेझाक करणाऱ्या सरकारसोबत चहा पिणे आम्हाला मुळीच मान्य नाही, असा हल्लाबोल करत महाविकास आघाडीने विधीमंडळाच्या पावसाळी अधिवेशनपूर्व शासकीय चहापान कार्यक्रमावर अधिकृत बहिष्कार टाकला आहे.