लोकसभेच्या निवडणुकीनंतर आता सिंधुदुर्ग आणि रत्नागिरी जिल्ह्यात बॅनर वॉर सुरु झाला आहे. कणकवली येथे शिंदे गटाकडून 'वक्त आने दो, जवाब भी देंगे और, हिसाब भी लेंगे' असा आशय असलेले बॅनर पाहायला मिळाले होते. या बॅनरवर उदय सामंत आणि किरण सामंत यांचे फोटो देखील होते. याच बॅनरबाजीचे पडसाद आता रत्नागिरीमध्ये दिसून येत आहेत. उदय सामंत यांच्या पाली गावामध्ये भाजपचे बॅनर लागले आहेत 'बाप बाप होता है'! 'झुंड मे तो कुत्ते आते है, शेर अकेला आता है' अशा आशयाचे बॅनर रत्नागिरीमध्ये भाजपकडून लावण्यात आले आहेत. भाजपकडून लावण्यात आलेल्या बॅनरवर नारायण राणे आणि त्यांच्या मागे वाघाचा फोटो लावला आहे. कोकणात सुरु असलेल्या बॅनरवॉरमुळे महायुतीमध्ये अंतर्गत संघर्ष सुरु असल्याचं शक्यता वर्तवली जात आहे.