मुंबईच्या घाटकोपरमध्ये एका गुजराती बहुल सोसायटीत मराठी माणसांना मज्जाव करण्यात आला आहे. ठाकरे गटाच्या कार्यकर्त्यांनी हा आरोप केला आहे. ईशान्य मुंबईतून ठाकरे गटाकडून संजय दिना पाटील यांना तर भाजपकडून महिर कोटेचा यांना उमेदवारी जाहीर करण्यात आली आहे. ठाकरे गटाचे कार्यकर्ते घाटकोपरमध्ये रहिवासी सोसायटीत प्रचाराचे पॅम्पलेट वाटत होते, तेव्हा काही रहिवाशांनी त्यांना मज्जाव केला. पण महिर कोटेचा यांचा प्रचार करायला आलेल्या कार्यकर्त्यांना कुठलीही बंदी नव्हता असा आरोप ठाकरे गटाने केला आहे.