Maharashtra Zilla Parishad elections announcement date Update : सर्वोच्च न्यायालयाने महाराष्ट्रातील स्थानिक स्वराज्य संस्थांच्या निवडणुकीसाठी ३१ जानेवारी २०२६ पर्यंतचा कालावधी दिलाय. त्याआधी आयोगाला कोणत्याही परिस्थितीत निवडणुका घ्यायच्याच आहेत. पण आरक्षणाच्या पेचामुळे जिल्हा परिषद निवडणूक वेळापत्रकाला उशीर होत आहे. २१ डिसेंबर रोजी सर्वोच्च न्यायालयात आरक्षणावर सुनावणी होणार आहे. त्यानंतरच राज्यातील जिल्हा परिषद निवडणुकीचा मार्ग मोकळा होणार आहे. सूत्रांनी दिलेल्या माहितीनुसार, डिसेंबरच्या अखेरच्या आठवड्यात राज्यात जिल्हा परिषद निवडणुकीची घोषणा होऊ शकते. तर जानेवारीच्या अखेरच्या टप्प्यात मतदान अन् निकाल जाहीर होऊ शकते.

राज्यात जिल्हा परिषदेच्या निवडणुका लवकरच होण्याची चिन्हे आहेत. सूत्रांच्या माहितीनुसार, डिसेंबरच्या शेवटच्या आठवड्यात निवडणुकीची घोषणा होण्याची शक्यता आहे. मतदान जानेवारीच्या अखेरच्या आठवड्यात होण्याची शक्यता वर्तवली जातेय. ग्रामविकास विभागाने कायद्यात दुरुस्त्या करण्याची तयारी दर्शवल्याने १२ जिल्हा परिषदांमधील निवडणुकीचा मार्ग मोकळा झाला आहे.