वर्धा जिल्ह्यातील उमरेड-माहूर बसमध्ये रंग लागलेली नोट न स्वीकारल्यामुळे महिला प्रवासी आणि बस कंडक्टरमध्ये चांगलाच वाद निर्माण झाला. ही नोट माझ्या घरी तयार झाली नाही, माझ्या घरी नोटेचा कारखाना नाही, मलाही ही नोट कुणीतरी दिलीय. त्यामुळे नोट घ्या नाहीतर थेट मोदींना सांगा अशा शब्दांत महिलेने संताप व्यक्त केला.

ही संपूर्ण घटना बसमधील अन्य प्रवाशांनी मोबाईलमध्ये शूट केली असून, संबंधित व्हिडीओ सध्या सोशल मीडियावर जोरदार व्हायरल झाला आहे.

प्रवाशांच्या म्हणण्यानुसार, महिलेने बसचं भाडं देताना रंग लागलेली नोट दिली. मात्र कंडक्टरने ती नोट स्वीकारण्यास नकार दिला. त्यावरून वाद चिघळला आणि महिलेनं आपली नाराजी व्यक्त करत तीव्र प्रतिक्रिया दिली.