मे महिन्यांपासून सुरु झालेला पावसाचा जोर जून महिन्यात ओसरला आहे. या महिन्यात ढगाळ वातावरणात हलक्या ते मध्यम स्वरुपाच्या सरी बरसत आहेत. दुसरीकडे उन्हाचे चटके आणि उकाडा लोकांना सहन करावा लागत आहे. याचदरम्यान राज्यात आज विजांच्या कडकडाटासह वादळी वाऱ्यांसह पावसाचा अंदाज वर्तवण्यात आला आहे. कोकणासह मध्य महाराष्ट्र, मराठवाडा, विदर्भात पाऊस बरसण्याची शक्यता आहे. या पावसामुळे उकाड्याने त्रस्त झालेल्यांना दिलासा मिळण्याची शक्यता आहे.