राज्यातील हवामान खात्याने आज मुसळधार पावसाचा इशारा देण्यात आला आहे. मुंबईसह ठाणे परिसरात अतिमुसळधार पावसाचा अंदाज वर्तवण्यात आला असून नागरिकांना सतर्कतेचा इशारा देण्यात आला आहे. कोकण, मध्य महाराष्ट्र आणि विदर्भात पुढील दोन ते तीन दिवस पावसाचा जोर वाढण्याची शक्यता असल्याचे हवामान विभागाने सांगितले आहे. बंगालच्या उपसागरात कमी दाबाचे क्षेत्र निर्माण झाल्याने पावसाची शक्यता वाढली आहे. गेले काही दिवस मुंबईत फारसा काही पाऊस पडलेला नाही त्यामुळे मुंबईच्या तापमानातही वाढ झाली आहे. मात्र पुन्हा एकदा पावसाचा जोर दिसून येणार आहे.त्यामुळे नागरिकांना आवश्यक ती काळजी घेण्याचे आवाहन करण्यात आले आहे.

रेड अलर्ट :-

नांदेड, लातूर, सोलोपूर, पुणे, धाराशिव, बीड, अहिल्यानगर, सातारा आणि संभाजीनगर