नीट पेपर फुटी प्रकरणात आतापर्यंत ९ जणांचा अटक केली आहे. नीट पेपर फुटीप्रकरणाची कारवाई सुरू असताना दहावी-बारावी परीक्षासंदर्भात मोठी बातमी समोर आली आहे. राज्य मंडळाच्या दहावी-बारावी परीक्षांमधील गैरप्रकारांवर अधिक कठोर कारवाई होणार असल्याची माहिती हाती येत आहे. आतापर्यंत केवळ पेपरफुटीवर कायदेशीर करण्यात येत होती. मात्र, आता उत्तरपत्रिकेतील छेडछाड, गुणांमधील फेरफार आणि बनावट पुनर्मूल्यांकन या गोष्टीही थेट कायद्याच्या चौकटीत आणल्या जाणार आहे. या पार्श्वभूमीवर आवश्यक ते बदल करण्याचा विचार राज्य मंडळ करत असल्याचे सांगण्यात येत आहे.