राज्यभरातील सर्व सरकारी रुग्णालयांमधील सुमारे 30 हजार निवासी डॉक्टर उद्या संपावर जाणार आहेत. सातारा जिल्ह्यातील फलटण येथील डॉक्टर आत्महत्या प्रकरणाची चौकशी निवृत्त न्यायाधीशांच्या देखरेखीखाली एसआयटी स्थापन करून करावी. कुटुंबाला न्याय मिळावा. कुटुंबातील एका सदस्याला सरकारी नोकरी द्यावी आणि राज्यात अशा घटना रोखण्यासाठी सरकारने पावले उचलावीत.अशा मागण्या निवासी डॉक्टरांनी केल्या आहेत. यादरम्यान बाह्यरुग्ण सेवा बंद राहतील, पण उर्वरित दाखल रुग्णांवर उपचार सुरू राहतील आणि आपत्कालीन सेवा देखील सुरू राहतील अशी माहिती देण्यात आली आहे.