Massive Fire at Lote MIDC Chemical Factory in Ratnagiri : रत्नागिरी जिल्ह्यातील लोटे एमआयडीसी परिसरात एका रासायनिक कंपनीत भीषण आग लागली. रात्री ११ वाजण्याच्या सुमारास लागलेली ही आग इतकी भीषण होती की, ती परिसरातील इतर कंपन्यांपर्यंत पसरली. आगीमुळे कंपनीतील रासायनिक पदार्थांमुळे स्फोटांचा आवाज ऐकू येत होता. आवाजामुळे स्थानिकांमध्ये भीतीचे वातावरण पसरले होते. आग लागण्याचे निश्चित कारण समजू शकले नसले, तरी सकाळी ६ वाजण्याच्या सुमारास आगीवर नियंत्रण मिळवण्यात यश आले आहे.

अग्निशमन दलाच्या आठ गाड्या घटनास्थळी दाखल झाल्या होत्या. आग विझवण्याचे प्रयत्न रात्रभर सुरू होते. सुदैवाने, या घटनेत कोणतीही जीवितहानी झाली नाही, परंतु कंपनीचे मोठ्या प्रमाणात नुकसान झाले. आग लागण्याचे कारण अद्याप स्पष्ट झालेले नाही. पोलिसांनी याप्रकरणी तपास सुरू केला आहे. स्थानिक प्रशासनाने परिस्थितीवर नियंत्रण मिळवण्यासाठी तातडीने पावले उचलली आहेत.