राज्यात आता एक नवीन विधेयक येणार आहे, ज्याअंतर्गत सार्वजनिक ठिकाणी मद्यप्राशन करून आढळल्यास कठोर कारवाई केली जाईल. पहिल्या अपराधासाठी नऊ महिने सक्तमजुरी आणि दहा हजार रुपये दंड ठोठावला जाईल. तर, दुसऱ्यांदा दोषी आढळल्यास दीड वर्षांची सक्तमजुरी आणि वीस हजार रुपये दंड होईल. दारूच्या नशेत असलेल्या व्यक्तींमुळे सार्वजनिक ठिकाणी गैरवर्तन, अश्लील चाळे आणि महिलांमध्ये असुरक्षिततेची भावना निर्माण होत असल्याचे अनेक प्रकार समोर आले आहेत. यामुळे धार्मिक स्थळांचे पावित्र्यही धोक्यात येत आहे.या समस्येवर आळा घालण्यासाठी सरकारने कठोर पावले उचलण्याचा निर्णय घेतला आहे. सार्वजनिक ठिकाणी दारू पिऊन फिरणाऱ्या व्यक्तींवर कडक कारवाई करण्यात येणार असून, कायदा व सुव्यवस्था बिघडवणाऱ्या व्यक्तींवर सरकारची करडी नजर राहणार आहे.