खासदार संजय राऊत यांनी उदय समान आणि एकनाथ शिंदे यांच्याबद्दल केलेल्या दाव्यानंतर आता या संपूर्ण प्रकरणावर मंत्री उदय सामंत यांनी प्रतिक्रिया दिली आहे. साम टीव्हीला दिलेल्या एक्सकल्यूझिव मुलाखतीत उदय सामंत म्हणाले की, मी खासदार संजय राऊत यांनी केलेलं वक्तव्य पहिल. त्यांचं हे विधान म्हणजे राजकीय बालिशपणा आहे. माझ्या राजकीय जीवनात मला घडवण्यासाठी एकनाथ शिंदे यांनी जे प्रयत्न केले आहे, ते मी कधीही विसरू शकत नाही. शिंदे यांनी जो उठाव केला त्यात मी होतो. त्याचमुळे मला दोन वेळ राज्याचं उद्योगमंत्री पद मिळालं आहे. याची मला जाणीव आहे. माझे आणि एकनाथ शिंदे यांचे संबंध हे राजकारणाच्या पलीकडचे आहे. त्यामुळे आमच्यात कोणी वाद लावायचा केविलवाणा प्रयत्न केला तर तो यशस्वी होणार नाही, असं उदय सामंत यांनी म्हटलं आहे.