'देवेंद्र फडणवीस सच्चे आहेत, ईमानदार आहेत त्यांच्याकडे महाराष्ट्र दिला पाहिजे या प्रमुख भावनेमुळे लोकांनी आमच्यासोबत घड्याळ आणि धनुष्यबाण देखील निवडून दिले', असे विधान आमदार सुरेश धस यांनी केले आहे.

बीडचे आमदार सुरेश धस यांनी धाराशिवच्या परंडा येथील एका कार्यक्रमामध्ये देवेंद्र फडणवीस यांच्यामुळे एकनाथ शिंदे यांच्या धनुष्यबाण आणि अजित पवार यांच्या घड्याळाला निवडून दिले असे विधान केले आहे. ते म्हणाले, 'विधानसभा निवडणुकीत देवेंद्र फडणवीस यांच्या चेहऱ्याकडे पाहून भाजपच्या सर्वाधिक जागा निवडून आल्या. त्यासोबत घड्याळ आणि धनुष्यबाणालाही लोकांनी मत दिले. नाहीतर आमच्या लोकांनी घड्याळाला मत दिले असते का? धनुष्यबाण (एकनाथ शिंदे) आणि आमची (भाजप) जुनी दोस्ती, पण एकनाथ शिंदेंचा धनुष्यबाण देखील फडणवीसांमुळे निवडून आला' महाराष्ट्रात कार्यकर्त्यांना सांभाळणारा नेता म्हटलं तर मुख्यमंत्री देवेंद्र फडणवीस आठवतात असे म्हणत सुरेश धस यांनी मुख्यमंत्र्याचे कौतुक देखील केले.