मुंबई : अहमदनगरमध्ये लोकसभा निवडणुकीत चुरशीची लढत झाल्याचं आपण पाहिलं आहे. विधानसभेत कोणासाठी काम करणार? यावर खासदार निलेश लंके यांनी स्पष्ट वक्तव्य केलंय. आता विधानसभा निवडणुकीमध्ये पारनेर मतदारसंघातून महाविकास आघाडीचा उमेदवार कोण असेल, हे पक्ष ठरवेल. ज्याला पक्ष उमेदवारी देईल, त्याचं काम आम्ही प्रामाणिकपणे करणार अशी प्रतिक्रिया अहमदनगरचे खासदार शरद पवार गटाचे नेते निलेश लंके यांनी दिली आहे.

तसेच यावेळी बोलताना निलेश लंके यांनी काल रेल्वे मंत्री अश्विनी वैष्णव यांची भेट घेतल्याचं सांगितलंय. संभाजीनगर ते पुणे रेल्वे व्हावी, ही मागणी केलीय. हा रेल्वे ट्रक का रखडला? आधीच्या लोकप्रतिनिधींनी का केलं नाही, यापेक्षा मी आता प्रश्न मार्गी लावणार आहे, असं त्यांनी माध्यमांशी बोलताना सांगितलं. सोबतच रस्ते मंत्री नितीन गडकरी यांची देखील भेट घेतली. शिर्डी नगर रस्त्यासाठी ठेकेदाराला ब्लॅक लिस्ट करून काम सुरू केलं जाईल, अस आश्वासन गडकरींनी दिल्याचं लंके म्हणाले आहेत.