मुंबई : राज्यात अत्याचाराच्या घटनांचं प्रमाण वाढलेलं आहे. पुण्यातून देखील मोठ्या प्रमाणावर गुन्हेगारीच्या घटना समोर येत आहेत. यावरून आज माध्यमांशी बोलताना खासदार सु्प्रिया सुळे यांनी मोठं वक्तव्य केलंय. सुप्रिया सुळे म्हणाल्या की, महाराष्ट्रात एवढा क्राईम नव्हता. दुर्दैवाने आता महाराष्ट्रात गुन्हेगारी वाढली आहे. देवेंद्र फडणवीस गृहमंत्री आहेत. केंद्र सरकारचा हा डेटा सांगतोय की गुन्हेगारी प्रचंड वाढली आहे.

दुर्दैवानं पुणे हे क्राईम कॅपिटल ऑफ महाराष्ट्र झालंय, अशी प्रतिक्रिया सुप्रिया सुळेंनी दिलीय. जे अगोदर विद्येचं माहेरघर होतं, ते आता क्राइम कॅपीटल झालंय. दौंडमधील घटनेची फास्टट्रॅक कोर्टात तातडीने सुनावणी झाली पाहिजे, असं त्यांनी म्हटलंय. पुणे ग्रामीण पोलिसांनी केलेल्या सहकार्याबद्दल त्यांनी पोलिसांचे आभार मानले आहेत.