ठाकरे गटाचे आमदार अनिल परब यांनी अधिवेशनाच्या दरम्यान शिंदे गटाचे नेते रामदास कदम आणि गृहराज्यमंत्री योगेश कदम यांच्यावर गंभीर आरोप केले होते. मुंबईत सावली डान्स बार आहे काही दिवसांपूर्वी या ठिकाणी पोलिसांनी छापा मारला होता. तेथून काही मुली देखील ताब्यात घेतल्या होत्या. हा डान्सबार रामदास कदम यांच्या पत्नीच्या आहे असा गंभीर आरोप केला होता. तसेच वाळू प्रकरणात भ्रष्टाचार केल्याचा आरोपही परब यांनी योगेश कदम यांच्यावर केला होता. याच दरम्यान रामदास कदम यांचे भाऊ सदानंद कदम यांनी आज अनिल परब यांची भेट घेतली आहे. या भेटीमुळे राजकीय वर्तुळात चर्चेला उधाण आले आहे. या भेतीबाबत सदानंद कदम यांना विचारले असता व्यावसायिक कारणांसाठी आपण अनिल परब यांची भेट घेतल्याच त्यांनी सांगितले.