महाराष्ट्राच्या राजकारणात काका आणि पुतण्याच्या लढाई नवीन नाहीत. आता यात आणखी एक भर पडली आहे. कोकणात कदम कुटुंबात राजकीय लढाई सुरु होण्याची चिन्हे आहेत. शिवसेना (शिंदे गट) नेते रामदास कदम यांच्याविरोधात त्यांच्या पुतण्याने दंड थोपाटले आहेत. रामदास कदम यांचा पुतण्या अनिकेत कदम यांनी आज शिवसेना ठाकरे गटात प्रवेश केला आहे. तो आगामी विधानसभा निवडणुकीत ठाकरेंसाठी काम करणार आहे. त्यामुळे कोकणाच्या राजकरणात कदम कुटुंबियांची जोरदार चर्चा सुरु आहे.

अनिकेत कदम आगामी विधानसभेला दापोली मतदारसंघात चुलत भावाविरोधात प्रचार करणार आहे. खेडमध्ये अनिकेत कदम यांच्या वाढदिवसाचे उबाठाकडून शुभेच्छा बॅनर लावण्यात आले. अनिकेत कदम हे विद्यमान आमदार योगेश कदम यांचे सख्खे चुलत भाऊ आहेत.

घरगुती वाद आता राजकारणपर्यंत पोहचल्याचं समोर आलेय. अनिकेत कदम हे उद्योजक सदानंद कदम यांचे सुपुत्र आहेत.

दापोली विधानसभेत कदम यांना कदमांचेच आव्हान मिळण्याची शक्यता आहे.