मुंबई : राजकोट किल्ल्यावर २६ ऑगस्ट रोजी छत्रपती शिवाजी महाराजांचा असलेला पुतळा कोसळला. याविरोधात महाविकास आघाडी महायुती सरकारच्या विरोधात जोडेमारो आंदोलन आजपासून करत आहे. हुतात्मा चौक ते गेट वे ऑफ इंडिया, असे आंदोलक चालत जाणार आहेत. बॅनरबाजी करत मविआ कार्यकर्त्यांची जोरदार घोषणाबाजी पाहायला मिळतेय.

महाविकास आघाडीच्या आंदोलनाच्या पार्श्वभूमीवर मुंबई पोलीस, राज्य राखीव पोलीस, दंगल नियंत्रण पथक, महाराष्ट्र सुरक्षा बल, दहशतवाद विरोधी पथक, सर्वाइलांस वॅन कंट्रोल करणारे पोलीस मोठ्या प्रमाणात तैनात करण्यात आले आहेत. महाविकास आघाडीच्या मोर्च्यात एकूण जवळपास पाच हजार पोलीस तैनात करण्यात आले आहेत. फोर्ट परिसरासह हुतात्मा स्मारक आणि गेट वे ऑफ इंडिया या परिसरात मोठा पोलीस बंदोबस्त तैनात करण्यात आलाय.