लोकसभा निवडणुकीनंतर महाराष्ट्रात होणार्‍या आगामी विधानसभा निवडणुकांसाठी सर्वच पक्षांनी जोरदार तयारी सुरू केली आहे. एकीकडे आज उद्धव ठाकरे यांनी काँग्रेस नेते राहुल गांधी, मल्लिकार्जुन खरगे आणि इतर वरिष्ठ नेत्यांची भेट घेऊन चर्चा केली आहे.

राजधानी दिल्लीत ठाकरे आणि गांधी या दोन्ही बड्या नेत्यांमध्ये खलबतं झाली, तर दुसरीकडे, महाराष्ट्रात महाविकास आघाडीच्या नेत्यांनी विधानसभा निवडणुकांच्या दृष्टीनं रणनीती आखायला सुरुवात केली आहे. विधानसभा निवडणूक आणि प्रचाराच्या रणनीतीवर चर्चा झाल्याचं कळतं. काँग्रेसकडून विरोधी पक्षनेते विजय वडेट्टीवार, विधीमंडळ नेते बाळासाहेब थोरात, प्रदेशाध्यक्ष नाना पटोले, राष्ट्रवादी शरदचंद्र पवार गटाकडून जयंत पाटील, राजेश टोपे, अनिल देशमुख, सुनील भुसारा आणि उद्धव ठाकरे गटाकडून विरोधी पक्षनेते अंबादास दानवे, विनायक राऊत उपस्थित होते.