मुंबई : विधानसभेच्या तोंडावर पुण्यातून मोठी बातमी समोर येत आहे. महायुतीमध्ये वादाची ठिणगी पडली असल्याचं चित्र समोर आलंय. त्यामुळे राजकीय वर्तुळात मोठी खळबळ उडाली आहे. वडगाव शेरीमध्ये होणाऱ्या विविध विकास कामांच्या भूमिपूजनावरून जगदीश मुळीक यांनी राष्ट्रवादी काँग्रेसचे (अजित पवार) आमदार सुनील टिंगरे यांच्यावर टीका केलीय. राष्ट्रवादीचे आमदार श्रेय लाटत आहेत, असा आरोप जगदीश मुळीक यांनी केलाय.

आमदार सुनील टिंगरे यांच्यावर भाजप नेते जगदीश मुळीक यांनी टीका केलीय. पुण्यातील वडगाव शेरी भागात महायुतीचा धर्म भाजपाने शिवसेनेनेच पाळायचा का? असा संतप्त सवाल देखील मुळीक यांनी विचारला आहे. विकास कामांचा पाठपुरावा महायुतीतील सगळ्या पक्षांनी केलाय. पण त्यांचा साधा फोटो का टाकला नाही, असा प्रश्न भाजप कार्यकर्ते जगदीश मुळीक यांनी विचारलाय. त्यामुळे महायुतीत नव्या वादाला तोंड फुटण्याची शक्यता आहे. यामुळे महायुतीमध्ये मिठाचा खडा पडल्याचा अंदाज वर्तवला जातोय.