मुंबई : राजकीय वर्तुळातून एक महत्वाची बातमी समोर आलीय. शिंदे गटात विधानपरिषदेच्या राज्यपाल नियुक्त तीन जागांसाठी इच्छुक उमेदवारांची रांग लागली असल्याचं दिसतंय. या जागेंवरती आरोग्यमंत्री सावंत, मनीषा कायंदे, संदीप मोरे, पांडव यांची नावं समोर आलीय. त्यामुळे आता मु्ख्यमंत्री एकनाथ शिंदे कोणत्या उमेदवारांना झुकतं माप देणार, याकडे सगळ्याचं लक्ष आहे.

दीपक सावंत, मनीषा कायंदे, संजय मोरे, गिरीश पांडव असे इच्छूक उमेदवार १२ आहेत. त्यामुळे मुख्यमंत्री एकनाथ शिंदे कोणाच्या नावावर शिक्कामोर्तब करतात, हे पाहणं महत्वाचं ठरणार आहे. या १२ पैकी ६ जागा भाजप , ३ जागा शिवसेना आणि ३ जागा राष्ट्रवादी काँग्रेस अजितदादा गटाला मिळणार असल्याची माहिती मिळतेय. तर शिंदे गटात इच्छुक उमेदवारांची मोठी गर्दी पाहायला मिळत आहे. राज्यपाल नियुक्त १२ सदस्यंमुळे महायुतीचं वजन वाढणार आहे. जे उमेदवार भविष्यामध्ये विधानसभा लढवू शकणार नाही परंतु आमदार निवडून आणण्याची क्षमता आहे, अशा उमेदवारांचा विचार शिवसेना करणार असल्याची माहिती मिळत आहे.