राज्यातील राजकारणात मोठा भूकंप होणार? सत्तेत उलथापालथ होणार का? असे प्रश्न पडण्याचे कारण म्हणजे काँग्रेस नेते नाना पटोले आणि एकनाथ शिंदेंची भेट. विधानभवनाच्या परिसरात नाना पटोले आणि उपमुख्यमंत्री एकनाथ शिंदेंची भेट झाली. यावेळी दोन्ही नेत्यांनी हँण्डशेक केला. दोन्ही नेत्यांनी आनंदाने एकमेंकाची विचारपुस केली, त्यामुळे अनेकांच्या भुवया उंचावल्या आहेत. पुढील काही दिवसात राज्यातील राजकारणात मोठी घडामोड होणार असल्याचं हे संकेत तर नाहीत ना? अशी शंका उपस्थित केली जात आहे.

काही दिवसांपूर्वी काँग्रेस नेते नाना पटोले यांनी एकनाथ शिंदे यांना मुख्यमंत्रिपदाची ऑफर दिली होती. महायुतीत त्यांची कुचंबणा होतेय, त्यामुळे शिंदेंनी काँग्रेसमध्ये यावं. काँग्रेसमध्ये आल्यानंतर आम्ही त्यांना मुख्यमंत्री बनवू, अशी ऑफर नाना पटोले यांनी दिली होती.