मनसे अध्यक्ष राज ठाकरे हे आज मातोश्रीवर आले होते. शिवसेना ठाकरे गटाचे पक्षप्रमुख उद्धव ठाकरे यांच्या वाढदिवसानिमित्त त्यांना शुभेच्छा देण्यासाठी ते मातोश्रीवर आले होते. राज ठाकरे आणि उद्धव ठाकरे यांच्या भेटीनंतर शिवसेना नेते भास्कर जाधव यांनी मोठं विधान केले आहे. शिवसेना-मनसे युती झाली, असं मोठं विधान त्यांनी केले आहे. त्यांच्या या विधानामुळे आता राजकीय वर्तुळात चर्चा रंगल्या आहेत.

मनसे-शिवसेना युतीबाबत राज ठाकरे यांनी मोठं विधान केले आहे. ते म्हणाले की, 'झाली युती झाली... आपण जे म्हणता की या भेटी किती वाढल्या आहेत. दोन भाऊ एकत्र येतील की नाही याबाबत शंका उपस्थित केली जात होती. अनेकांच्या मनात संशय होता. या संशयाला पूर्णविराम मिळाला. दोन भाऊ एकत्र आले ही महाराष्ट्राच्या दृष्टीकोनातून आनंदाची गोष्ट आहे. कार्यकर्ते एकत्र येतील आम्ही ते करून. त्याची कुणी काळजी करू नये.'