मुंबई : मालवणमधील राजकोट किल्ल्यावर शिवरायांचा पुतळा कोसळ्याची दुर्घटना घडली. तिथे आज राणे आणि ठाकरे गटाच्या कार्यकर्त्यांमध्ये तुफान राडा झालाय. त्यानंतर राजकोट किल्ल्यावर निलेश राणे पोलिसांवर संतापल्याचं देखील समोर आलंय. शिवरायांचा पुतळा कोसळल्याच्या दुर्घटनेमुळे राज्यामध्ये संतापाची लाट आहे. त्यामुळे सर्वपक्षीय नेते मालवमधील दुर्घटनास्थळी भेट देऊन पाहणी करत आहेत.

दरम्यान, मालवणमधील राजकोट किल्ल्यावर दुर्घटना घडलेल्या ठिकाणी आज राणे आणि ठाकरे गटाचे कार्यकर्ते एकमेकांना भिडले होते. राजकोट किल्ल्यावर पाहणी करण्यासाठी आज आज आदित्य ठाकरे, जयंत पाटील, विजय वडेट्टीवार आले होते. त्याचवेळी खासदार भाजपा नेते नारायण राणे हे देखील राजकोट किल्ल्यावर पोहोचले होते. त्यावेळी दोन्ही गट एकमेकांसमोर आले अन् वाद पेटला.