मुंबई : राजकोट किल्ल्यावर नारायण राणे यांच्या समर्थकांनी आदित्य ठाकरेंसमोर जोरदार घोषणाबाजी केलीय. यानंतर आदित्य ठाकरे यांची पहिली प्रतिक्रिया समोर आलीय. घडलेली घटना अतिशय बालिशपणा असल्याचं आदित्य ठाकरे म्हणाले आहेत. तर छत्रपती शिवाजी महाराज यांच्या किल्ल्यांमध्ये कोणतंही राजकारण करायचं नाही, अशी प्रतिक्रिया त्यांनी दिलेली आहे.

२४ वर्षीय मुलाला कंत्राट कोणी दिलं असा सवाल देखील आदित्य ठाकरेंनी उपस्थित केलाय. आपटे फरार आहे, यावरून त्यांनी त्याला पळून जाण्यासाठी कुणी मदत केली. पीडब्ल्यूडीच्या मंत्र्यांवर गुन्हा दाखल झालाय का? असे अनेक गंभीर स्वरूपाचे प्रश्न उपस्थित केलंय. मी कार्यकर्त्यांना अडवलंय. मला बालिशपणा करायचं नाही, असं आदित्य ठाकरे म्हणाले आहेत. तर पुतळ्याची सर्व जबाबादारी सरकारने झटकली. नौदलावर घटनेचे खापर फोडण्यात आलंय. भ्रष्टाचाराने महाराजांनाही सोडलं नसल्याची घणाघाती टीका आदित्य ठाकरेंनी केलीय.