Maharashtra Kokan Mosoon Update News संपूर्ण राज्य ज्या क्षणाची वाट पाहत होता. अखेर तो आनंदाचा क्षण आला आहे. गेल्या काही महिन्यांपासून उकाड्याने हैराण झालेल्या नागरिकांना दिलासा मिळाला आहे. मागील दोन दिवसांपासून महाराष्ट्रात मान्सूनला पोषक वातावरण तयार झालं होतं. अखेर अरबी समुद्र, केरळ आणि गोवानंतर मान्सून आता कोकणात दाखल झाला आहे. कोकणातील सिंधुदुर्ग (Kokan Sindhudurga Rain Alert) आणि कोल्हापुरातील दक्षिण भागात मान्सून (Kolhapur Monsoon Rain) आला असून पुढील काही दिवसांमध्ये तो राज्यभरात व्यापू शकतो अशी शक्यता हवामान विभागाने वर्तवली आहे. कोकण आणि कोल्हापूरच्या दक्षिणेकडील भागात जोरदार वादळी वाऱ्यासह पावसाची शक्यता वर्तवण्यात आली असून नागरिकांना सतर्कतेचा इशारा देण्यात आला आहे. यंदा मान्सून तीन दिवस उशिराने केरळमध्ये (Kerala Heavy Rain Alert) दाखल झाला. १ जूनला केरळमध्ये आल्यानंतर काल म्हणजे शुक्रवारी मान्सून गोवामध्ये (Goa Mosnoon ) दाखल झाला. तिथून पुढे प्रगती करत मान्सून महाराष्ट्रातील कोकणच्या दिशेने आगेकूच केली. इथून पुढच्या दोन दिवसांमध्ये तो राज्यातील इतर जिल्ह्यांमध्ये व्यापेल. महाराष्ट्रासह माॅन्सून आंध्र प्रदेशातही दाखल झाला आहे. दरम्यान या बातमीने शेतकऱ्यांच्या आनंदात दुप्पट वाढ झाली असून सुगीचे दिवस येणार असल्याची चाहूल लागली आहे.