राष्ट्रवादी अजित पवार गटाचे नेते तथा राज्याचे अन्न व औषध प्रशासन मंत्री नरहरी झिरवळ यांना अचानक रुग्णालयात दाखल करण्यात आले आहे. मंत्री नरहरी झिरवळ हे नाशिक जिल्ह्यातील दिंडोरी विधानसभेचे आमदार आहे. ते आदिवासी बहुल भागातील जनतेचे प्रतिनिधित्व करतात. मिळालेल्या माहितीनुसार, मागच्या काही दिवसांपासून सततच्या दौऱ्यामुळे त्यांची प्रकृती बिघडल्याचे सांगितले जात आहे.

राज्यात उन्हाचा पारा हा तीव्र झाल्यामुळे मोठ्या प्रमाणात उन्हाचा चटका बसत आहे. मात्र झिरवळ यांना नेमके काय झाले आहे. याची माहिती अद्यापही प्राप्त झाली नाहीये. मुंबईच्या सौफी रुग्णालयात त्यांना दाखल केल आहे. त्यांची तब्येत स्थिर असल्याचे सांगितले जात असून पुढील काही दिवस त्यांना विश्रांतीची गरज आहे असे डॉक्टरांनी सांगितले आहे. काही दिवसांपूर्वी त्यांनी आदिवासी समाजाच्या प्रश्नांसाठी मंत्रालयातल्या जाळ्यावर उड्या मारून आंदोलन केले होते.