राज्यात लवकरच मिनी विधानसभा निवडणुकांचा बिगुल वाजणार आहे. राज्य निवडणूक आयोग पुढील आठवड्यात स्थानिक स्वराज्य संस्थांच्या निवडणुकांची घोषणा करणार असल्याची माहिती आहे. महापालिका, नगरपालिका, नगरपंचायती, जिल्हा परिषदा आणि पंचायत समितीच्या निवडणुका तीन टप्प्यांत होण्याची शक्यता व्यक्त केली जात आहे. यामध्ये पहिल्या टप्प्यात नगरपालिका, दुसऱ्या टप्प्यात जिल्हा परिषद आणि पंचायत समितीच्या निवडणुका होण्याची शक्यता वर्तवण्यात आली आहे. तर 15 ते 20 जानेवारी दरम्यान मुंबई महापालिका निवडणूका पार पडण्याची शक्यता आहे. तसेच प्रत्येक टप्प्यातील निवडणुकांची मतमोजणी मतदानानंतर दुसऱ्या दिवशी केली जाणार आहे.