गेल्या काही दिवसांपासून महानंद डेअरीवरुन राजकीय वातावरण चांगलेच तापले होते. महानंद डेअरी गुजरातला नेण्याचा डाव असल्याचा आरोप विरोधकांकडून केला जात होता. यावरुन सत्ताधारी आणि विरोधक आक्रमक झाले होते. त्यानंतर आता महानंद डेअरीबाबत एक महत्वाची बातमी समोर आली आहे. महानंद डेअरी ही गुजरातच्या मदर डेअरी या ब्रँडला देण्यात आली आहे. या हस्तांतरणाची प्रक्रिया २ मे रोजी पुर्ण झाल्याचेही सांगण्यात येत आहे. विशेष म्हणजे या बोर्डाचे मुख्यालय गुजरातमध्ये आहे. या निर्णयानंतर ऐन निवडणुकीच्या काळात पुन्हा एकदा सत्ताधारी आणि विरोधक आमने- सामने येण्याची शक्यता आहे.