सध्या राज्यामध्ये 29 जिल्ह्यांमध्ये बिबट्यांचा हैदोस माजला असून अनेकांचे प्राण गेले आहेत. बिबटे आणि मानव संघर्षावर आळा घालण्यासाठी वन विभागाला 560 कोटींचा निधी देण्याची घोषणा करण्यात आली आहे. यासह पुणे, अहिल्यानगर आणि नाशिक जिल्ह्यात 1800 बिबटे ठेवण्यासाठी जंगलामध्ये रेस्क्यू सेंटर उभारण्यात येणार आहेत.

राज्यामध्ये सातारा, नाशिक, पुणे, बुलढाणा, नागपूर, अहिल्यानगर, कोल्हापूर, सांगली गडचिरोली या जिल्ह्यांमध्ये बिबटे आता मानवी वस्त्यांमध्ये शिरत असल्याने प्रशासन अस्वस्थ झाले आहे. बिबट्याचे वाढते हल्ले लक्षात घेता 560 कोटींचा निधी वनविभागाला देण्यात आला आहे.