महाराष्ट्र केसरी स्पर्धेचा थरार अहिल्यानगरमध्ये सुरु आहे. याच स्पर्धेला गालबोट लागल्याची घटना घडली आहे. या कुस्ती स्पर्धेदरम्यान गोंधळ उडाल्याचे पाहायला मिळालं. या स्पर्धेच्या सेमीफायनलमध्ये शिवराज राक्षेने पंचाला लाथ मारल्याने मोठा राडा झाला.

कुस्ती स्पर्धेतील गादी विभागातील सेमीफायनलमध्ये पृथ्वीराज मोहोळ आणि शिवराज राक्षे या दोन्ही मल्लामध्ये सामना झाला. या अटीतटीच्या सामन्यात अवघ्या १ मिनिटात शिवराज राक्षे चितपट झाला. मात्र,चितपट झालेल्या शिवराज राक्षेने पंचाला आव्हान दिलं. त्याने पाठ आणि खांदा गादीला टेकला नसल्याचं म्हटलं.त्यामुळे त्याने पंचाचा निर्णय चुकीचा ठरवला. पुढे त्याने रिव्ह्यू घेण्याची मागणी केली. मात्र, पंचाने मागणी फेटाळली. यानंतर रागात त्याने पंचाची कॉलर ओढली. त्यानंतर लाथही मारली. राक्षेचा पराभव झाला की नाही? तुम्हीच व्हिडिओ पाहून ठरवा.