राज्यात हनीट्रॅप प्रकरण काही दिवसांपासून गाजत असून दिवसागणिक आता त्याला वेगवेगळे वळत लागत असल्याचे वृत्त समोर येत आहे. यावर आता ठाकरे गटाचे खासदार संजय राऊत यांनी या प्रकरणात गंभीर आरोप केले आहे. उत्तर महाराष्ट्रातील एक मंत्री या हनीट्रॅपमध्ये अडकल्याचा दावाही त्यांनी केला आहे. महाराष्ट्राच्या मंत्रिमंडळात रंगेल व रगेल लोक आले असून रम, रमा, रमणी महामंडळ तसेच हनीट्रॅपमध्ये अडकेलेले काही मंत्र्यांना घरी जावे लागणार आहे असा दावा सामनाच्या अग्रलेखातून करण्यात आला आहे. तर या हनीट्रॅपचे अध्यक्ष 'महाजन' वगैरे लोक आहेत असा दावाही करण्यात आला आहे. मुख्यमंत्री देवेंद्र फडणवीस यांनी विधानसभेत हनी ट्रॅपचा विषय उडवून लावला. मग प्रफुल लोढाला जीवे मारण्याच्या धमक्या कोणता मंत्री देत आहे? लोढाच्या घरावर पोलीस धाडी का घालत आहेत? असा सवालही अग्रलेखातून विचारण्यात आला आहे.