Maharashtra Cooperative Societies Act amendment news : सहकार चळवळीला नवसंजीवनी देण्यासाठी 1960 च्या कायद्यात सुधारणा करण्यासाठी तज्ज्ञ समिती स्थापन केलीय... दीपक तावरे यांच्या अध्यक्षतेखालील ही समिती दोन महिन्यांत आपला अहवाल सादर करेल. पारदर्शकता आणि सुलभ निवडणूक प्रक्रियेसाठी हे बदल केले जाणार आहेत.

महाराष्ट्रातील सहकार चळवळीला नवचैतन्य देण्यासाठी राज्य सरकारने महाराष्ट्र सहकारी संस्था कायद्यामध्ये बदल करण्याचा निर्णय घेतला आहे. त्यासाठी सहकार आयुक्त दीपक तावरे यांच्या अध्यक्षतेखाली समिती स्थापन केली आहे. ही समिती दोन महिन्यांत आपला अहवाल सरकारला सादर करणार आहे. सहकारी संस्थांमध्ये अधिक पारदर्शकता आणणे आणि निवडणूक प्रक्रिया सुलभ व निष्पक्ष करण्यासाठी हा निर्णय घेतल्याचे बोलले जातेय.